Gach Máirt ó 6pm - 8pm

Ag tosú Dé Máirt 06 Feabhra 2024

Beidh cúrsa nua CLAOCHLÚ ag tosú i Stiúideo Cuan, sa Spidéal ar an Mháirt 06 Feabhra agus ar bun as sin amach ó 6pm - 8pm gach seachtain.

Tá CLAOCHLÚ dírithe ar dhéagóirí (13-17) a bhfuil suim acu i gceird na hamharclannaíochta & na scannánaíochta.

Sprioc an chúrsa seo ná grúpa daoine óga a thabhairt le chéile agus clár imeachtaí a eagrú dóibh i réimse na hamharclannaíochta agus na scannánaíochta chun a gcruthaitheacht agus a bhféin-mhuinín a spreagadh. Beidh béim ar leith ar fhorbairt phearsanta an duine agus clár cuimsitheach imeachtaí sóisialta lárnach tríd.

Beidh ceardlanna praiticiúla i gcúrsaí ceamaradóireachta, eagarthóireacht, aisteoireacht, scríbhneoireacht agus stiúradh agus beidh na daoine óga ag déanamh scannánú ar ghearrscannáin agus páirteach i ndrámaí a chruthós an grúpa iad féin i rith na bliana.

Beidh ceathrar áisitheoirí gairmiúla i mbun an chúrsa, a bhfuil taithí na mblianta acu ag obair i réimse na hamharclannaíochta agus na scannánaíochta agus ag spreagadh daoine óga: 

Paul D'Eath, Mali Uí Chlochartaigh, Simon Ó Baoighill & Darach Mac Con Iomaire.

• Níl aon chostas ar an gcúrsa ACH tá sé tábhachtach go mbeadh rannpháirtithe i láthair ag na seisiúin go rialta gach seachtain.

• Beidh an cúrsa ar bun gach Mairt ó 1800 – 2000 i Stiúideo Cuan sa Spidéal, H91FT67.

• Beidh ceardlanna scannánaíochta agus obair ghrúpa ar bun gach seachtain agus clár imeachtaí sóisialta ina dhiadh sin.

• Úsáid foirm amháin do gach déagóir. (má tá níos mó ná déagóir amháin sa teaghlach ag iarraidh a bheith páirteach)

• Sa chás is go bhfuil níos mó éilimh ar an gcúrsa ná mar atá spásanna, roghnófar na hiarrathóirí rathúla go randamach.

• Is í an Ghaeilge teanga oibre an chúrsa agus ní mór d’iarrathóirí Gaeilge a bheith ar a dtoil acu le bheith páirteach.

• Foilsiú an tSaothair
  Foilsíonn Stiúideo Cuan saothar ó gach rannpháirtí nó grúpa rannpháirtithe lena gcruthaitheacht agus a ngaisce a cheiliúradh.
  Is leis na húdair cóipcheart a saothar ón chúrsa Claochlú agus cead tugtha do Stiúideo Cuan an obair chruthaíoch a úsáid in aon cheann dá gcuid foilseachán, in ábhar bolscolaireachta agus láithreáin gréasáin.

• Grianghraif/Scannánaíocht.

  Tógann muid pictiúir do na rannpháirtithe i mbun oibre le cur ar ár láithreán gréasáin, na meáin shóisialta agus ábhar eile bolscaireachta faoinár gcuid oibre. Cuirfear gach rannpháirtí san áireamh. Tabhair faoi deara gur riachtanas é seo le bheith páirteach agus nach bhfuil sé roghnach.

  Cláraigh Thíos!